المساعد الشخصي الرقمي

مشاهدة النسخة كاملة : هل اهل الرياض لحوج وطعوس

قمر الرياض
05-10-2006, 06:26
مرت(ن) من المراير وانا جالسه احوس بالنت
طاحت عيني على هالصوره وخنقتني العبره|423| |264|
http://www.brbtyt.com/up1/30af30fef0.gif
<<<حقوق الصوره محفوظه لصقيقتي توب قيرل >>>>>>>>|460|
ودي اعرف من اللي كاتب هالكلام والله لاحوسه واتوطى ببطنه |584| |285|
اهل الرياض تاج راسه
سمـــ القصايد ـــو
05-10-2006, 07:53
قمر الرياض

ههههههههههههههههههااااي


تطنزين علي في موضوعي

عشان ما ظهرت الصوره


ترا حتى انتي حاطه رابط الصوره غلط

تقبلي خالص التحااايااا
قمر الرياض
05-10-2006, 08:03
والله يالحبيب الحين اكتشفت ان البلى مو مني ولامنك

البلى من المنتدى نفسه صورتين في موضوعين ماطلعت اجل المنتدى فيه شي

لان الصوره طالعه عندي وانت نفس الشي الصوره طالعه عندك ومو طالعه عندنا
الغلااا
05-10-2006, 08:03
الصورة طالعه عندي.. :)

اقول بديت اشك اني اعرف توب قيرل هذي لان وحدة من صديقاتي مصورة هالكلام
من غرفة قياس سوق من اسواق الرياض بس ماكان عليها شخابيط..


ولحوج بعينها...هاللي ماتستحي اجل وش جابها عندنا بالرياض مدامنا لحوج ..
وترى بدو مدحه..يعني تاج راسها..
قمر الرياض اذا عرفتيها علميني اساهم معك في التوطي :)


الغلااا
قمر الرياض
05-10-2006, 08:21
الغلااااااااااا

ياحوبي انتي

سمو اكتشفنا ان الخراب من جهازك رح صلحه


شف غوغو<<<<تدلعيه غلا

طالعه الصوره عندها


غلا ولايهمك خليني بس القاها واناديك

يسلمووووووو عالمرور
البرق الشمالي
05-10-2006, 08:26
قمر الرياض
الصورة ما طلعت عندي

ودمتي أختي
البرق الشمالي
05-10-2006, 09:46
من حقك تلوميني يا قمر الرياض


وفعلا تصرفي غلط وأنا أسف


وأعتذر لك وأتمنى منك تسامحيني

والله العظيم ما كان قصدي وأتمنى ما تزعلين عليه

وأنا أعتذرت لك في رسالة خاصة وأمام الأخلاء كمان
انين المشاعر
06-10-2006, 12:52
وش هذا شكلهـ مايعرف اهل الريااض وش زينهم واللـه........
عــزيـــــز
06-10-2006, 02:16
اصلا اهل الرياض اقل من ذلك


<< واحد بينطق |268| امززززح


بعدين هذا راي من كتب ولا يعني انها حقيقة او واقع


انا بكلامي اللي بكتبه ما اقصد اختي قمر الرياض ولكن بالعكس اشكر لها نقلها لهذي الصوره اللي تعطينا مجال نحكي ..


فالرياض وحسب حياتي وخبرتي فيها مقسمه لمناطق ... مجرد ما تعرف اصل الشخص تقدر بسهوله تحدد من اي منطقه بالرياض هو

ولكل قاعده شواذ ... ولكن الغالب انهم يتبعون التقسيم الاجتماعي .


وبعدين الاهم من هذا وهذا ... ولنكون واقعيين

لو تروحون عند اللحوج زي ما يسمونهم وتقولهم قصمان او بدو او حجازيين او غيرهم بيزعلون ويشمئزون من هذه الصفات فخرا واعتزازا بانهم لحوج ..

والبدو اللي ناس تزعل منها فيها ناس تعتبرها فخر وجمال واصاله وهم البدو انفسهم ...

انا مو لحجي ولا بدوي بالعكس انا قصيمي ومن اصف وفصل بس ما همتني اذا ما عندي اخلاق ودين ... بس ما اشوف في اي واحد في هذولا نقص او عيب عشان ازعل اذا احد شبهني فيهم ..


واعتقد لو بنوقف مع انفسنا وقفه حق ... بتلقون ان ديرتنا ضايعه بسبب اساسي وهو النعره والعصبيه القبليه والعرقيه ...

فخلقت الواسطات والتجاوزات من اجل فلان وفلان ... وكما يقولون "اللي ما فيه خير لربعه ما فيه خير اصلا" وكلام كثير يغث .


واعتقد اللي كتبها اصلا يعيش حاله نفسيه مترتيه من الاحساس بالنقص وغيره منه في اهل الرياض وما لقى شيء يعيبهم فيهم فقال انتم لحوج وبدوو ... ونقوله صدقت .. الرياض فيها لحوج وبدوو ولا يعيبهم هذا الشيء.


ونقوله اللي على راسه بطحه يحسس عليها |268|


وتحياتي لاهل الرياض ولكل الحوج والبدوووو


ولكم محبتي واحترامي
قمر الرياض
06-10-2006, 09:17
البرق الشمالي

مشكور وماتقصر
قمر الرياض
06-10-2006, 09:19
انين المشاعر

ايه والله اهل الرياض يهبلون|268|

يسصلموووووووووووو
شمــshmookhــوخ
07-10-2006, 01:50
قمر وش ذا الصووره الفله :)
.
.
بس يبدو لي ان الي كاتبتها تعاني من مشاكل
لوووووووووووووووول ,,
.
.

والا يمكن حصل لها موقف معين .. ومن هالموقف حكمت على الكل بهالشكل ..!!


بس برايكم هذي الطريقه الصحيحه للتعبير عن الراي !!

هزلت والله ,,

وليته راي بذوق .. كان ممكن نتقبله .. الا حكي فاضي
حمد لله بس ..
.
.
.

واذا براسها حرش |268| ...
تقابلني عند باب المنتدى

ههههه هههههه هههههه
غـــــالـــــي
10-10-2006, 04:36
بسم الله

يا حليلكم يا اهل الرياض اثركم لحوج|268|
<<<< طلع لحجي وبدوي 2في1 خخخخخخخخخخخ
0000000000000
اول مره شموخ تقول كلاام سنع|268|
7
7
بس برايكم هذي الطريقه الصحيحه للتعبير عن الراي !!
هزلت والله ,,

وليته راي بذوق .. كان ممكن نتقبله .. الا حكي فاضي
حمد لله بس ..

قمر الرياض خليه يقول اللي بخاطره
عطيه فرصه ما لقا شي يقوله

وسلامتكم
صـَـــــافي الود
12-10-2006, 05:46
شكله شافـ يومـ اسود لزقها بأهلـ الرياضـ كلهمـ ومنيـ مناكـ قالـ لحوجـ وبدو

وجهة نظر <<< إلا ماعندهـ ماعند جدتيـ

والنعمـ بأهلـ الرياضـ ماشوفتـ منهمـ إلا كلـ خير وحبايبنا

,’, احـــــــــــتراميـ ,’,
قمر الرياض
16-10-2006, 01:10
اصلا اهل الرياض اقل من ذلك
بسوي نفسي ماقريت شي
يامشرفي العزيز وش هالرد السنع الطويل
ترا مو كل اهل الرياض بدو ولحوج
وبعدين اوكي انو البدوي يفتخر انه بدوي طيب احنا وش دخلنا
المتخلف اللي كاتب الكلام يضمنا بالسالفه ويخلينا كلنا بدو ولحوج ليش
مع احترامي الشديد لكل بدوي
برايفت عزيز
ونقوله اللي على راسه بطحه يحسس عليها
صح لسانك
قمر الرياض
16-10-2006, 01:15
شموخ


قمر وش ذا الصووره الفله

|543| |418|


بس يبدو لي ان الي كاتبتها تعاني من مشاكل

هي مشاكل وبس مسكينه حالتها صعبه|356|

تقابلني عند باب المنتدى

حياك الله معنا في شله هيئه قمور وخويتها لمكافحه اللي يسبون الرياض|373|
قمر الرياض
16-10-2006, 01:22
غاااااااااااااالي


يا حليلكم يا اهل الرياض اثركم لحوج

اقووووووووووووووووووووول اها بس|582| الحين منزلين موضوع ومسوين مظاهرات واعتراض وانت راز خشتك وتقول عنا لحوج




قمر الرياض خليه يقول اللي بخاطره

يقول اللي بخاطره احد ماسكه بس يبعد عن شي اسمه الرياض ولايقعد يشخبط عالجدران |391|
‏ღ QueeN ღ
19-10-2006, 11:03
يؤ يؤ واخزياه بس
منهو اللي مايستحي ... عادي ماعليكم شكله من الثقبه <= ترقع
وش فيهم البدو ودي اعرف بس ... ويسلم بؤك عزيز ع الكلام اللي قلته
ومرسي يائمر ع الصوره اللي تضيق الصدر
د/ سنكرس
20-10-2006, 03:33
قمر
يقول اللي بخاطره احد ماسكه بس يبعد عن شي اسمه الرياض ولايقعد يشخبط عالجدران

ايه عليك بهم ...
خليهم يلعبون بالنار وشوفي وش بيجيهم >> تسمع بها



وتحياتي لاهل الرياض ولكل الحوج والبدوووو


وتحياتنا لك ...

حبيت اشجع هالفتى المغوار الفارس الملثم ...
عزيز

عجبني كلامه ... الله يقويه ...


عيني عليك باردة ... من جد كلام خا ... طير
هيدا الحكي ولا بلاش ...