احداث العيد

[عــزيـــــز]

السلام عليكم ورحمه الله

وكل عام وكل ابو الجميع طيبين وبخير وعساكم من عواده


طبعا عيد الاضحى يختلف عن عيد الفطر ... لان فيه دمممممممممم

ولان فينا عرق ارهابي فما نرتاح لحد ما نشوف الدمممممممم

ولذلك فقد حرصت اليوم اني اصور ... بس اغلبها فيديو ... |268|


بس جبت لكم صوره من احد الخرفان اللي قطعته تقطيع
<< نصاب ... اكلف ما عليه السنه هذي شواء الكبده |268| واكله


وكل واحد يورينا اذا عنده صور او تعليقات على هذا اليوم |268|

ادري نصه نوم والباقي بلع ... بس لامانع من السوالف

خصوصا اللي مفطرين اليوم خبز وجبن والذبايح مسطره بالمسلخ |268|


صوره احد الضحايا ....

[شمــshmookhــوخ]

|284||291| عزيزووه


حسبي الله على الظالمـ ,,

وش ذا الاجرامـ ..؟!

صدق لي قالوا شعب مجرمـ وارهابي بعد |268|


الحين جلست يومين احاول استوعب الصوره من الصدمه

وعلى فكره اكتب الكومنت وانا مغمضه|261|:D




________________________________________



نجي لموقفي |268|

صباح العيد .,, واحنا طالعين بسلامـ الله < حلوه


المهم شفت شي بالشارع ,,


الله اكبــر ,, لايصدق |261| < مسويه بتحمس |268|

اهمـ شي ,, تداركت الموقف واخذت صوره ع السريع ,,

شوفوا الصوره بعدين ,|269|,

نرجع لمحور ,, حديثنا ,,,,|283|





http://www.alakhela.com/up/113/3akhal.jpg





لقد عودنا ..

بالله فهتوا منها شي

عموما بسترسل بالشرح :D

الشي الاسود الي بالشارع عباره عن عقال الله يصلحكمـ |268||273|

بس مو هذا موضوعنا ,, :)

الشي الي حيرني وهبل فيني وش جابه هنا ,,!!...؟



ولا بوسط الشارع ,,بعد ..

اوقات افكر واحد من زود وناسته في العيــد ماقدر يتمالكـ عمره ,,,
او يمكن ..

واحد ابو ماعطاه عيديته فما كان منه الا اخذ عقاله ورماه كرده فعل :D < بالله


او,, او,, او ,,

نحتاج تنجيمكمــ |268||278|



لنا عمود ..

مشكور عزيز ع الموضوع الفله :)

[عــزيـــــز]

يا حي الله شروخ .... عاد هذا وقتك <<< يلمح عشان يولع فيك يا شروخ |268|

للمعلوميه : ( شروخ = طراطيع ) عند القصمان

واهم شيء شفتي قشارتي ... ترى طموحي اخليك زيه |268|

بس موقفك هذا رهيبه هههههههههههههه

انتي تمشين بالشارع وعيونك بالارض

بس انا اتوقع ان السبب لوجود العقال هو ان الخروف طح بيد واحد اقشر مثلي فمن روعته حط رجله وفرك له بالشارع

وصاحب العقال كان كاشخ ... وشاف الخروف يهج فاثار حفيظته ولحقه .... وهذي يقايا اثار المطارده |268|

<<< كونان


تسلمين على ردك وتغطيتك .... وننتظر البقيه

مع محبتي واحترامي

[شمــshmookhــوخ]

|268| اشوفكـ تروي الاحداث بكل وثوووق

ولا بعد سبق وقلت بنفسك (واحد اقشر مثلي)


|268| لايكون انت بس هع هع

___________


عاد تدري خلك انت بخرفانكـ ,,

وخل التحقيق وجركات كونان لأهله |268|


للمعلوميه عجبتني النبذه الي كتبتها عن الشروووخ |268|

هع هع

لنا عوده ,,

[بـنــ الريـــاض ــت]

عزووووووووووووووز..خخخخخخخخخخ..

حرااااااام عليك في الخرووووووووف...

والله مت ضحك على شكله...اجراااااااااام..

وين جمعيه الرفق بالحيوااان عنك..والله لو يدروون عنك...ان يسجنووونك مؤبد...

ساااااااالخن ابو اللي جابوووووووووه..حرااام عليك....

غريبه ماطلعت العيووووون؟؟والا سقط سهو ن؟؟؟

ياحلييلك اجل توووصيت في هالضعيف...

ايييييه الله يقبلهن بس..>>سامعتها من ابووووي.....!!.!


وشمووووووووووووووووخ..وش هالعقاااااااال؟؟

شكله والله العالم..ان واحد مسوووي فاهم بيمسك الخرووف يدخله للبيت..

والخرووف نطحه..ماعنده استعدااااد يدخل.....

والا انه.....مثل ماقاال عزيز..اثااار المطاارده...


اماااااااااا اناااااااااا...احدااث عيدنااااااااا..

احم احم...مانمت الا عقب الفجر..وكله بسبة سناااااااك..

مغير تهذر علي في هالمسنجرر..وكل كلامها هك في هك...>>يعني تسذب..!!!

وماقمت الا الساااااااعه 3 ونص عصرررررن....

لانه اصلن وبصراحه عيد الضحيه..ماله طعم عند البناااات...

الا اللي ماعندهم شغاله..الله يعينها عالكرررررررف...!!!!!

يووم قمت ولا العاااائله كلها راااااااااقده..مافيه ولا واحدن ينغش...

صرعــــــــــــــــى..مافيه الا انا مغير ادوور في هالبيت...

واوقف على اطلاااال هالخرفاااااان..!!!>>متاثره بالادبي..!!


وبــــــــــــــــــس..اما الصووووووور..فاسمحووا لي..اولن ما اعررف اصلن اصوور وانزل..

وثانين ما صوورت شي...مثل حركاات الاجراام اللي فووووووووق...!!

مشكوووووووووور عزوز عالماضووووووووووع..

سلا11111111111111م..

[د/ سنكرس]

ههههههههههههههههههههههههههههه
ههههههههههههههههههههههههههههههههه

أحلــــى يا القوي ... أحلى |268| !!!!!

انحشششششششش ما عندك هنا إلا رجاجيل مثل عزيز ...

يا أنت قوووووي بشكل !! قوووووووي مااااااااررررررة مرة !! >> |261| مبزرتن عيونها من الروعة

باللهي يا شباب دورو لي في كل العالم مشرف عام و قوي ورجال وأقشر وغثيث ومدري وش يبي ..
مثل عزيز الله لايسلطه علينا . >>>>>>أشوا إنها مذرقتن منه

شوفوا الفن والإبداااااااااااع ...

لا ذراااااااااااااابة ولا سناااااااااااااااعة ولا قشاااااااااااارة ولا طفاااااااااااااقة |268|...

وش خليت للرجاجيل والحريم والشباب والبنات والعيال والبزارين بس ... وش خليت ؟...

>>> ودك من يصنها بكف يخليها تكلم زين



أنا أشهد إنك نموذج حي للشاب الطموح النشيط في هالدنيا "المكتظة بالسكان"

>> يازينك ملبدة |268|



آآآآآآآآآقول كيف الحاااااااال ياشيخ ترانا أخوااااان وربع و " بينا مواضيع وردود "على وزن " عيش وملح " اللي اسمع بهن |268|



يعني لا عصبت لا قدر الله لا قدر الله ..

مابيك تفكر مير ولا تهوووجس ابدن ولا تطري عليك تسلخ رويسي بهالشكل البشع !

أنا خلقة مسلوختن سلخ تجي وتكمل علي ياشيخ تراك قوي |268| >>> للحين مذرقة

إن كان في بنت الرياض ولا غيرها بصرك حلالك حورف فيهم يامال العافية ...

لاكن ما أقول إلا " مدزدي " فهالخروف الهيس ...

ياهي أمه داعيتن عليه دعوتن شينه !! ولا وش جابه عندك إلا حظه الأقشر ...



بس هذا اللي جيدن فيه شادن حيله على هالخرفان الضعوف ولا شفنا منه شي >> سقطت سهوا|268|

ــــــــــــــــــــــــــــــــــــــــــــــــــ ــــــــــــ

وهالموضوووع خش مزاجي بقوة ولاهوب شي جديد عليك ...

وأحدااااث العيد إنشاالله بجيبها لكم بالصور (( إن قدرت ومالهيت ))

" كشتــتــنا في روضة خريم .. "

بس بعدين عقب الامتحانات ...



سلا1111111111111م يا " القوي|268| " ..

[الــــنــــورس]

ايش هذا ياارهابي |268|


اثرك ماترحم ياولد |268|


اما عني انا يوم العيد جيت تعبان من مزدلفه وكبرت المخده |268|


البركه في البقيه نشوف صورهم


ميرسي عزوز

[الصارم]

ياساتر عزيز اقشر على اسمك

وش مسوي فيه انت شكلك لاعن ابو جده ومصوره كمان

مسكين الخروف ما طاح الا بيدك

بس خطير شكلك تعرف تسنع الراس

والله انا صحيت الساعه 10 لاقيت 6 ذبايح قاضين عليها نزلت كلها نص ساعه وحطوا الغدا

بس شفت فيديو اخوي مصور اخوي الكبير اعطى السكين اخوي اللي اصغر منه جاب العيد

ذبح الخروف وما نحره زين الخروف يرفع يرسه والله منظر هههه ويرجع ويكمل عليه اخوي

المهم اني ما استمعت بالدم مثل كل سنه راحت علي نومه وكنت بعطيها للظهر

لاني تعباااان وسهران بس مدري وش صحاني شكلها ريحة الدم ما اصبرعنه <<< تكفى

يعطيك العافية

[غـــــالـــــي]

بسم الله
<<<<< لويوريكم راس الخروف اللي شلوطه بس حسافه ما صوره
كان نحشتوا من المنتدى كله خخخخخخخخخخخ
اقول قم بس قم يا عزيز على بالك بتخوٌفنا من انك مجرم|526|
الله يخلي القصاب اللي سوا كذا في راس الخروف|461|
ولا انت ما عندك ما عند جدتي|268|
هذا اذا ما كان الراس بلاستيك يعني لعبه خخخخخخخخخخخ

مشكور عزيز على هيك مواضيع توسع الصدر


غـــــالـــــي