المساعد الشخصي الرقمي

مشاهدة النسخة كاملة : اطرح مشكلتك ونتساعد لحلها ... ويستفبد الأخرون

عــزيـــــز
08-10-2003, 04:02
بسم الله الرحمن الحيم

اهلا احبتي ...

لقد احببت من هذا الموضوع ان نجعله مركزا لتعلم الكمبيوتر وصيانته وحل مشاكله عبر تساعدنا لحل مشاكل الاخرين .

احبتي ... ان الخبره في اي شيء لاتاتي الا بعد ممارسه واطلاع ...

ولعلنا باتساعدنا مع الغير .... نكتسب الخبره ... ونعين الاخرين ..


وننتظر اولى المشاكل ..

مع محبتي واحترامي
المميــــــــز
14-10-2003, 11:42
تسلم اخوي عزيز انا عندي مشكلة بسيطة وهي ::

انا استعمل الكمبيوتر المحمول من شركة (( دل ))

بس للاسف لوحة الكتابة لاتعمل توقفت مره واحده

يعني الان شابك الكيبورد العادي في اللاب توب

وجالس اكتب الشكوي ياليت تفيدني

اخوك المميز
المرعب الأسود
20-10-2003, 02:59
أبغى أصمم موقع مجاني أبغى شرح بالصور بس مو موقع جيران
أبو نواف
18-11-2003, 02:12
يعطيك العافيه أخوي عزيز



ان شاء الله أساعدك بعد أنا أذا في شئ أقدر أو عنده خبره عنه



ويعيطك العافيه على أتاتحتك لمثل هذا الموضوع



تحياتي لك
عــزيـــــز
28-11-2003, 04:36
اااسف شباب ...

انا كنت مفكر اني مشترك بالموضوع ... واشوف ما وصلني ولا بلاغ عنه ...


سوري حبايبي لتاخري ... فكرت محد شارك فيه ....
عــزيـــــز
28-11-2003, 04:39
اخوي المميز ....


تسلم اخوي عزيز انا عندي مشكلة بسيطة وهي ::

انا استعمل الكمبيوتر المحمول من شركة (( دل ))

بس للاسف لوحة الكتابة لاتعمل توقفت مره واحده

يعني الان شابك الكيبورد العادي في اللاب توب

وجالس اكتب الشكوي ياليت تفيدني

اخوك المميز


__________________


ممكن اخوي ... تعيد التشغيل وتدخل على لوحه التحكم الزرقاء بالضغط على زر F2
ومنها اخوي تختار اعاده كل الاجهزه الى الوضع الطبيعي او ما يسمى Default


واعد التشغيل ... وباذن الله يرجع كل شيء طبيعي ...

ذلك ان الكيبورد تغيرت الخصائص حقاتها .... وافضل واسرع طريقه ... انك ترجع كل شيء الى اصله ..

واصل الاب توب ( دل ) حقك ... انه يشتغل على الكيبورد المثبته فيه ..

جرب اخوي وطمني ....


مع محبتي واحترامي .... عزيز
عــزيـــــز
28-11-2003, 04:49
هلا اخوي المرعب ...

أبغى أصمم موقع مجاني أبغى شرح بالصور بس مو موقع جيران

اتوقع حبيبي ... ما عاد تحتاج له الان ...

لكن اذا تبي مواقع لتعلم الفرونت بيج ... فمن عيوني

تعلم فرونت بيج xp (http://www.sadaagroup.com/FrontPageXP/LearnFrontpagXP.htm)
شرح اساسيات الفوتوشوب (http://www.nawafbeek.jeeran.com/potshob.htm)
سلسله دروس فوتوشوب (http://www.khalaad.net/tutorials/)


واي خدمات ... اطلبني اخوي
عــزيـــــز
28-11-2003, 04:50
تسلم اخوي ابوو نواف وما تقصر ياغالي


مع محبتي
بنت الشموخ
29-11-2003, 11:45
مرحبا أساع مشرفنا الفاضل

لي طلببين لو تكرمت وأدري أنك ما بتقصر فيه بتوافيني بالطريقة والطلب يقول :

1. كيف انسخ صورة من مكان وأنقلها للمنتدى كصوره بموضوعي أو كتوقيع مثلاً ؟؟

2. كيف تدخل على ماسنجر شخص معين دون اضافة الطرف الثاني لك ؟؟

3. إذا أنت مضيوف وعليك بلوك ..كيف تعرف الشخص على الماسنجر الخاص فيه وانت عليك بلوك من طرفه ؟؟

علماً أنني أطلعت على طريقة الدخول على الماسنجر بدون إضافه لكن ما ضبطت معايه الطريقة المعروضه بكل المنتديات !!!

والثاني تم ارسال رابط اول موقع عربي يقدم خدمة كشف الحجب بجميع الماسنجرات ياهوو وهوتميل ماسنجر

فقط ضع ماسنجر صديقك وسوف يتم اخبارك اذا متواجد او غير متواجد على الماسنجر !!! دخلته لكن ما عرفت له

ما ادري مر عليك هذا الشئ أو لا ؟؟

مشرفنا الفاضل

ممكن الطلب تشرحه لي بالتفصيل الممل لأني غير ملمه بهذه الأمور

وبعون الله ما بتقصر معايه .. واسمحليه إذا بغلبك معايه

اختك بنت الشموخ
عــزيـــــز
30-11-2003, 02:13
هلا فيك اختي واستاذتي بنت الشموخ ....


وياليت تناديني عزيز ... وبدون مشرفنا ... لاننا هنا اخوان .... ولا فيه احد مشرف على احد ... انما مشرف على المنتدى لاتمام الناقص له من اجل اتمام مسيرتكم في العطاء والفاءده ...


اجاوب الان عليك اختي اذا تسمحين لي ...

بسم الله الرحمن الرحيم ...

الاول :


1. كيف انسخ صورة من مكان وأنقلها للمنتدى كصوره بموضوعي أو كتوقيع مثلاً ؟؟

...

ممكن اختي تشوفين الصوره اللي تبينها بالنت .. باي منتدى اخر او باي صفحه ....

كل ما عليك ... انك تضغطين على الصوره بزر الفاره الايمن ... وتختارين خصائص ...

راح يفتح لك نافذه ... فيه معلومات هذي الصوره ... ومن ضمنها ... عنوان الصوره بالنت ...

مثال:
هذي الصوره : http://www.alakhela.com/images/alakhela.jpg
عنوانها بالنت كذا : http://www.alakhela.com/images/alakhela.jpg

كل اللي عليك اختي ...

تظللين هذا العنوان .. وتضغطين زر الفاره الايمن وتختارين نسخ ...


بعدها تجين الى اضفه الرد او الموضوع الجديد وتضغطين على زر http://www.alakhela.com/vb/images/toolbox/image.gif

وراح يطلع لك مربع
امسحي الكلمه اللي فيه اللي هي HTTP://
لان العنوان اللي انتي نسختيه فيه الكلمه هذي وتكفي ...

اضغطي فيه زر الفاره الايمن واختاري لصق ...

ثم موافق ... وراح تشوفين العنوان اللي نسختيه داخل المربع الكبير حق المووضوع ومحط بعلامه [IMG]


وبالنسبه للتوقيع ...

ممكن اسهل طريقه لك ...

تجين تسوين نفس الطريقه اللي قبل شوي ...

وبعد ما يطلع لك عنوان الصوره المحاط بـ [IMG] ... تقظللينه كله مع الاعلامات الجدد
وتذهبين الى لوحه التحكم .... ومن ثم تحرير الهويه .....

وتنزلين الى حد ما تحصلين فراغ التوقيع ...


وتلصقين هذا الكود اللي نسختيه فيه ... وتضغطين على تحرير التغيرات ...


وتم بحمد الله :D


اتمنى انه واضح اختي ..

الثاني :

2. كيف تدخل على ماسنجر شخص معين دون اضافة الطرف الثاني لك ؟؟

هذي اختي باذن الله سهله جدا ...


في الماسنجر .... هناك القوائم اللي فوق

ملف - ادوات - اجراءات - مساعده .... الخ

اختاري اجراءات ....

واختاري اول وحده منها ....
اجراء رساله فوريه

راح يفتح لك نافذه .. فيه المتصلون الان بالماسنجر حقك ...... وفوق مكتو لك جهات اتصال اخرى ...


اضغطي عليها ...


راح يفتح لك نافذه فيها فراغ واحد بس


اكتبي فيه الايميل اللي تبينه ... بس شرط يكون على الهوت ميل ...


واضغطي اوكي ...


راح يفتح لك نافذه محادثه مع هذا الايميل ....


وتكلمي انتي ...

اذا رجع لك الكلام ... فيا ان الشخص مو موجود بالنت ... او انه معطي منع ما يبي احد يكلمه عبر هذا الاسلوب ... وبالحاله هذي ما ينفع استخدامها ابد ....


اتمنى تجربينها وتعلميني وش يصير معك .... عشان اوضح اكثر اذا هذا الكلام مو واضح ؟؟؟


الثالث :
3. إذا أنت مضيوف وعليك بلوك ..كيف تعرف الشخص على الماسنجر الخاص فيه وانت عليك بلوك من طرفه ؟؟

هذا اختي طريقه ليست اكيد المفعول .... ولكن قد تنفع ....


ومثالها هذا الموقع اجنبي
http://www.coolmsn.com

وهذا التعريب حقه بموقعنا http://www.alakhela.com/msn/


اذا طلعت لك صوره خضراء او علامه ملون .... فمعنها ان صاحب الايميل موجود بالنت

اذا موجود بالنت و موجود بماسنجرك بس مو متصل فيها ....فهذا دليل انه حاظرك ....


اذا لا ... فان مو حاظرك .... بس زي ما قلت لك ... الطريقه هذي مو عمليه ابد ابد ...


واتمنى اكون وفقت لشرح والتعليم ....


مع محبتي واحترامي
بنت الشموخ
01-12-2003, 01:22
http://www.grnaas.com/vb/download.php?id=35
$المبدع الصغير$
01-12-2003, 06:33
عزيز


يعطيك العافية كذا راح نستفيد من خبراااااااااااتك العالمية;)
شقيري
16-12-2003, 10:55
:Dجزاك الله خير يا المشرف العام وبارك الله لك واتمنى ان تفيد وتستفيد وان يحفظك الله ويرزقنا واياك علما صالحا اللهم امين|2|
دمـوع تبتسم
21-02-2004, 07:22
|587| السلام عليكم ورحمة الله وبركاته |587|

مشكلتي مع برنامج السويش

كنت استخدم البرنامج سابقاً بدون أي مشاكل

لكن سويت فورمات للجهاز وأعدت تحميل البرنامج من جديد

لكن صار فيه مشكلة إذا أردت إضافة صورة لا يقبل وتظهر رسالة أن فيه خطأ

جربت جميع أنواع الصور بمختلف الامتدادات

وأزلت البرنامج وأعدت تحميله - من CD ومن الإنترنت - والمشكلة مستمرة

أتمنى أكون قدرت أوضح المشكلة :confused::confused::confused:

|198| لانه إذا ما انحلت مشكلتي قريب بيصير فيني شيء |198|

وشكراً مقدماً
عــزيـــــز
21-02-2004, 02:54
هلا فيك

ممكن مشكله في جهازك او في البرنامج نفسه


هل نفس النسخه اللي بالـ CD سبق انك استخدمتيها بدون مشاكل ؟؟؟

يعني هل المشكله ظهرت من بعد الفورمات ؟؟؟

واتمنى اخدمك ... بس ابي اعرف نص الرساله اللي تطلع لك ...

وربي يقدرني اخدمك

مع محبتي واحترامي
بهاء
24-02-2004, 03:58
السلام عليكم انا عندي مشكله في تصميم البطاقات
فياريت تعلمني لائني ماعرفت التعلم عن طريق الفتيشوب
والمشكله الثانيه الكمبيوتر كلما اشغل النت يعلق معايا
فا تمنى لك التوفيق
دمـوع تبتسم
24-02-2004, 06:34
السلام عليكم ورحمة الله وبركاته

ما عليه تعبتك وياي

الـ CD هو نفس السابق ما كان فيه مشكلة

المشكلة حصلت بعد الفورمات

والرسالة عبارة عن علامات استفهام ما افهم منها الا كلمة Error فقط

ومشكور مرة ثانية

|5|:confused:|5|:confused:|5|:confused:|5|:confuse d:|5|
عــزيـــــز
25-02-2004, 02:11
هلا بهااااء

السلام عليكم انا عندي مشكله في تصميم البطاقات
فياريت تعلمني لائني ماعرفت التعلم عن طريق الفتيشوب
والمشكله الثانيه الكمبيوتر كلما اشغل النت يعلق معايا
فا تمنى لك التوفيق

تصميم البطاقات باستخدام اي برنامج تقصد .... وايش المشكله فيه

يا ريت تتحملني وتشرح لي بالضبط قصدك عشان اقدر اخدمك صح



وبخصوص الكمبيوتر اللي يعلق

هل ممكن اعرف مواضفات جهازك ... وايش الويندوز المستخدمه ؟

ياليت تمسح ملفات الانترنت المؤقته بشكل دوري

عشان دايم يسوي لك التحديث من النت مو من جهازك ... فيخفف الحمل على جهازك ..

وايضا احترس من ملفات التجسس

لانها اول ما تفتح النت راح تسوي اتصال مع الهكرز تبلغهم بدخولك وكذا يخشون هما على جهازك ويستخدمونه زيك ... يعني لو دخل هكر واحد وانت تشتغل ... صار الجهاز يخدم شخصين انت والهكر

وكل ما دخل واحد كمان لازم يخدمه ... بالاخير الجهااااز راح يصيبه تعليق فضيع

ولكن فيه احتمالات ان الجهاز يكون مواصفاته قليله فما يتحمل النت وسرعه النت ...

الاحتمالات ايضا متعدده ...

ياليت تكتب لي مواصفات جهازك والويندوز المستخدمه هل هي 98 او مي او 2000 او اكس بي

وكمان الحرص على تنظيف ملفات الانترنت المؤقته

وايضا الحرص كل الحرص على برامج الحمايه زي المكافي والنورتن ...


وانتظر الرد ... وربي يقدرني اخدمك
عــزيـــــز
25-02-2004, 02:29
هلا اختي دموع تبتسم

------
السلام عليكم ورحمة الله وبركاته

ما عليه تعبتك وياي

الـ CD هو نفس السابق ما كان فيه مشكلة

المشكلة حصلت بعد الفورمات

والرسالة عبارة عن علامات استفهام ما افهم منها الا كلمة Error فقط

ومشكور مرة ثانية
------


احتمال كبير انه السي دي مو معرف خصوصا اذا كان سي دي رايتر

هل السي دي اللي بجهازك فيه ميزه الكتابه والنسخ على اسطوانات ام لا

لانه يوجد نوعين

نوع سي دي عادي وهذا يقرا فقط وغالبا ما يتم التعرف عليه من قبل الويندوز مباشره

وفيه نوع اخر سي دي رايتر .. وهذا يتميز انه يقرا ويكتب ..... وهذا يحتاج الى تعريف.


ممكن اختي اعرف نوعيه جهازك ... ونوع الويندوز


واسف لتاخري بالرد


وياليت اختي تكتبين لي نص الرساله اللي طالعه لك عشان تساعدنا


والف شكر
دمـوع تبتسم
03-03-2004, 05:37
السلام عليكم ورحمة الله وبركاته

|1||1| أكيد من شفت اسمي قلت يا كثر مشاكلها

:D الحمد لله اليوم مو مشكلة مجرد استفسار

السؤال: في المواقع يكون موجود زر أضفني إلى مفضلتك

وأنا حالياً أبني موقع باستخدام الفرونت بيج كيف ممكن أسويها؟؟؟!!!...

والشكر الجزيل لك مقدماً
دمـوع تبتسم
03-03-2004, 05:47
:) نسيت أرد على المشكلة السابقة

الـ CD drive & CD نفس اللي استخدمتهم في المرة الأولى

اللي تغير فقط أني سويت فورمات للجهاز

وحالياً أشتغل على نظام Windows XP proficinal

********************************

وحالياً نزلت السويش تو من جديد لكن Sharwaer وبحثت عن الكراك وما بعد ألاقيه

((( نزلته من الإنترنت))) ،،، ونزلت كراك لكن للأسف ما جاب نتيجة يعني طلع رقم ما نفع

فإذا ممكن خدمة إذا توفر عندك كراك السويش 2 ترسل لي اللينك للموقع

ويعطيك ألف عافية
عــزيـــــز
04-03-2004, 02:50
اضفني لمفضلتك هذا كود جافا سكريبت ...

انا اضفت ملف نصي فيه الكود ... نزليه عندك واضيفيه بالمكان اللي تشوفينه بالصفحه ..
عــزيـــــز
04-03-2004, 02:55
هلا اختي


نسيت أرد على المشكلة السابقة

الـ CD drive & CD نفس اللي استخدمتهم في المرة الأولى

اللي تغير فقط أني سويت فورمات للجهاز

وحالياً أشتغل على نظام Windows XP proficinal


اكيد محتاجه تسوين له تثبيت وتعريف ..

ابحثي عن اسطوانه السيدي وسوي له تعريف اختي

مع محبتي واحترامي
عــزيـــــز
04-03-2004, 03:38
فإذا ممكن خدمة إذا توفر عندك كراك السويش 2 ترسل لي اللينك للموقع

الكراك اختي هذا مع شرح تركيبه

http://www.alasseer.com/files/Swish2-Crack.zip


مع محبتي واحترامي
دمـوع تبتسم
11-03-2004, 01:14
11akhela11

السلام عليكم ورحمة الله وبركاته

يعطيك ألف عافية وما قصرت ...

وجزاك الله عني ألف خير ...

مع محبيتي وأحترامي |11| سرقة 11|

11akhela11
فتى الإسلام
06-08-2004, 02:15
أنا أريد مساعدة أريد أن أنزل الفرونت بيج باللغة العربية
عــزيـــــز
11-08-2004, 01:05
هلا فيك اخوي فتى الاسلام

أنا أريد مساعدة أريد أن أنزل الفرونت بيج باللغة العربية

بالنسبه للفرونت بيج .. فهو برنامج من ضمنه مجموعه برامج الاوفيس ( وورد - اكسل - اكسس - بور بوينت - فرونت بيج)

ويفضل اخي الكريم انك تحصل على سيدي فيه هذه البرامج كامله احسن لك من الموجود بالانترنت لسرعه التجميل وضمان خلوها من الباتشات والتجسس .


وتقبل محبتي واحترامي
فتى الإسلام
11-08-2004, 04:47
مشكووووووور أخوييي

ولكن أنا أريد فرونت بيج باللغة العربية لأنه غير متوفر عندنا في الأسواق
عــزيـــــز
10-09-2004, 02:58
ما زال البحث جاري اخوي
فتى الإسلام
28-11-2004, 01:01
ممكن مساعدة
|580|


أنا عندي مشكلة في الوندوز إكس بي الشريط الذي توجد فيه start يصبح جامدا أي لا يمكنني الضغط على start بعد مرور نصف ساعة من تشغيله أرجو المساعدة

في حاجة ثانية
أنا عندي الوندوز إكس بي و الوندوز ملينيوم
إشتريت جهازي من الإمارات العربية المتحدة وأخدته إلى أخر دولة عربية من الجهة الغربية

وشتريت معاهم أوفيس إكس بي والملنيوم لكن ضاعا مني

مو معقولة أرجع إلى الإمارات من أجل أوفيس بالإنجليزية

وأردت أن أشتريه من بلدي فوجدة فيه السلبيات التالية

لايتوفر على الفرونت بيج
لغته الأوفيس هي الفرنسية مع العلم أنا الوندوز بالإنجليزية
ثالت حاجة أنا لا أعرف اللغة الفرنسية إلا القليلا
فأرجو من لديه الحل ينقدني|353|
أســـرار الــدانــه
08-04-2005, 01:39
السلام عليكم ورحمة الله

اخوي عزيز انا عندي مشكله ماني عارفه سببها

اللي هي الصور معاد صارت تطلع عندي

بمعنى انه اذا بنزل موضوع او رد يتضمن صور سواء في الاخلاء او اي منتدى ثاني

ما تنزل الصور مثل اول ينزل الرابط مثل ماهو حتى في التوقيع لو اغيره ما تنزل الصورة فيه

مع العلم انه الصور اللي ينزلونها الاعضاء عادي تطلع عندي واقدر اشوفها

فممكن تقولي ايش ممكن يكون السبب

لك كل الشكر والامتنان
عــزيـــــز
15-04-2005, 01:34
هلا فيك اختي واعتذر منك اعتذار شديد على التاخر

واكرر اسفي .

بس ممكن افهم وش اللي ما يطلع ...

هل انتي ترفعين الصور ومن ثم تنسخين الرابط وتجين الى القائمه وتختارين على اضافه صوره وتلصقين الرابط فيه ؟؟

اذا كان كذا فاحذري اختي من نقطه الا وهي انك اذا ضغطتي على اضافه صوره وطلع لك المربع راح يكون مكتوب فيه http:
امسحيها بالكامل ثم اضيفي الرابط حقك

وجربي وخبريني وش يصير معك


واسف الف مره على تاخري

مع محبتي واحترامي
أســـرار الــدانــه
16-04-2005, 12:50
خذ راحتك اخوي

بالنسبه للمشكله نعم انا انزل الصور بالطريقة اللي ذكرت وامسح http:

وبرضه نفس الشيء ماتطلع الصورة وينزل الرابط مثل ماهو

ومثل ما ذكرت اول المشكله هذي معي في جميع المنتديات اللي اشارك فيها مو بس الاخلاء

علما بان الصور كانت تنزل طبيعي بدون مشاكل لكن فجأة معاد صارت تطلع ابدا الا اذا استخدمت

طريقة ارفاق ملف

ذُكر لي اخوي انه اذا فرمت الجهاز احتمال تنحل المشكلة فما ادري ممكن يكون رايك نفس الشي ؟

لك جزيل شكري
عــزيـــــز
16-04-2005, 02:14
هلا بك اختي ...

ما اقدر افتيك بشكل صحيح ولكن واضح انه مشكله في المتصفح حق الانترنت ...

وطبعا اكيد ان الفورمات راح ترجع جهازك جديد وعلى كذا كل مشاكله تنحل ..

بس ابي منك محاوله اخيره انك تضيين صوره .. اي صور هفي الرد القادم واكتبي بعده رد ثاني ووضحي فيه كيف طالعه معك الصوره وايش مكتوب واشوف كيف تظهر معي

وباذن الله نقدر نحل المشكله

واعتذر لتقصيري

مع محبتي
أســـرار الــدانــه
16-04-2005, 06:30
http://www.alakhela.com/up/6/33.jpg
أســـرار الــدانــه
16-04-2005, 06:44
يعطيك العافية اخوي عزيز

اتوقع الصورة طالعه الحين

لانها طلعت بالنسبه لي



اتوقع اني عرفت المشكله

انا عندي برنامج لمسح مخلفات الجهاز ( itd7int)

اخر مرة استخدمته من بعدها ما صارت تطلع الصور فكرت استخدمه مره ثانيه واشوف النتيجه وبالفعل طلعت الصور

مع انه مو هذي اول مره استخدم البرنامج من فترة طويله وهو عندي ما يقارب خمسه شهور تقريبا

وشغال من غير اي مشاكل

ما ادري ايش المشكله فيه بالضبط

شاااااااكرة لك تعاونك اخوي عزيز مرة ثانيه ويعطيك العافيه
عــزيـــــز
16-04-2005, 08:17
هلا بك اختي وسعيد ان مشكلتك انحلت


وشكرا لطولة بالك على تاخري وتقصيري

وربي يوفقك

مع محبتي واحترامي
احساس العالم
22-04-2005, 09:04
أخي في الله/ عزيز

أرجو أن تفيدني بإجابتك على أسئلتي بطريقة سهله؛؛؛
لأنني مازلت مبتدئة في عالم الإنترنت ؛؛؛
شاكرة لجهودك 00

**أولا/
كيف أضع أيقونات داخل موضوعي ؟
**ثانيا/
أنا أعرف كيف أضع توقيع؛؛ ولكن كيف أضع لي صورة رمزيه ؟

اختكم في الله/
احساس العالم
LAMOoOo
22-04-2005, 04:04
أهلين أختي إحساس العالم ..

نورتي :)

بالنسبة ياعزيزتي لسؤالك الأول ..

كيف تضعين الأيقونات داخل موضوع وأعتقد قصدك السمايلات مثل هذي يعني >> :)

http://www.alakhela.com/up/30/3-.jpg

بعد كتابتك لنص ياعزيزتي .. ضعي المؤشر على المكان

اللي بيكون فيه الأيقونة .

http://www.alakhela.com/up/30/1-.jpg

أختاري من تنسيقات الموضوع الأيقونة الموضحة بالصورة .

http://www.alakhela.com/up/30/2-.jpg

راح تنفتح لك هذي النافذة .

http://www.alakhela.com/up/30/4-.jpg

أنقري على الأيقونة اللي تبغينها .

http://www.alakhela.com/up/30/5-.jpg

راح تلاحظين صار مكانها رقم اللي هو رقم الأيقونة .


وبس هذي هي الطريقة ..

شفتي وش كثر سهله :)

بالنسبة ياعزيزتي لسؤالك الثاني ..

شوفي هالرابط لاهنتي :)

تعديل الصورة الرمزية (http://www.alakhela.com/vb/showthread.php?p=72600#post72600)


أتمنى أني أفدتك .. وأتمنى أنها وصلت المعلومة ..

وسوري على اللقافة ياعزيز .. بس ماحبيت نتأخر على إحساس |268|
عــزيـــــز
22-04-2005, 04:27
هلا فيك اختي احساس ... وكنت حريص ارد عليك بعد ما اخلص اللي بيدي

بس ماشاء الله استاذتي الغاليه لمووو ابدعت زي عادتها واسعدتني بحرصها

وطبعا شرحته بشكل افضل مني بكثير وربي يوفقها


واشكرك لسؤالك واتمنى يكون جواب اختي لموو مطابق لما تريدين ...

واذا لا ننتظر سؤالك وباذن الله نخدمك

مع محبتي واحترامي
احساس العالم
24-04-2005, 01:06
أختي / لمووو
أشكرك من كل قلبي على تفاعلك ؛؛ وجزاك الله خيرا على اهتمامك00
______________________________________________

أخي / عزيز
لاأملك إلا أن أقول :
(( وأفضل الناس من بين الورى رجل >>>> تقضى على يده للناس حاجات ))00
________________________________________________
شمــshmookhــوخ
27-07-2005, 04:17
(( وأفضل الناس من بين الورى رجل >>>> تقضى على يده للناس حاجات ))00
________________________________________________




والله كلام منتاز من قدك ياعزيزوه :)
akateeb
30-08-2005, 10:51
السلام عليكم
انا بحاجة لبرنامج تشغيل (Playstation2 DVD) على الحاسوب لو سمحت
وشكراً.
مع تحيات عبالله الخطيب
الصارم
30-08-2005, 04:38
هلا اخوووي عبدالله حيااااااك يالغالي

وهذا البرنااااااااامج ا نشاءالله يشتغل لاني ما جررربته ولا عمر نزلته احس انه يثقل على الجهااااااز

بس هذا طلبك وان صارت اي مشكله رد علي اجيب لك غيره

==================



,, التحميل هنا ,, (http://www.geocities.com/sbikah15/PlayStation2.zip)


طريقه تركيب الكراك ...
فك ضغط PlayStation2
فك ضغط crack.zip
وانقل الملف اللي اسمه PlayStation2 وحطه في ملف البرنامج وبيسالك هل تريد استبدال الملف الفلاني بالملف الفلاني ... اضغط يس او نعم .... وبعد كذا نقدر نقول مبروك ... حط السيدي في حق السيديات وشغل البرنامج وتمتع بلعب البلايستيشن 2

ملاحظه لازم يكون عندك DVD ROM عشان يشتغل


ان شاءالله اكون افدتك اخوووي عبدالله وحيااااااك في منتداك مره ثانيه

تحياتي لك
بـنــ الريـــاض ــت
17-11-2005, 04:25
السلا1111111111111111111111م....


كيفكم ياحلووين....

بصرااااحه انا متمشكله مع جهاااااازي....

وابي منكم الحل الله يعااافيكم..ويصلحكم..!!!!


المشكله ان الجهااز مايطلع الصووور عندي ابدا...

ويطلع لي بداالهاااااا..مربع صغيرررررررر...

مرسوووم عليه...مربع احمر.. ودائره خضراااء..ومثلث ازرررق...

والله اني متبهذله مع هالمشكله..وياااليت القى عندكم الحل...العاااجل...


ومشكوورين على المسااعده مقدمـــــن...
عــزيـــــز
19-11-2005, 02:19
هلا بك اختي وسوري لتاخرنا بالرد

بخصوص مشكلتك ...

هل هي تظهر لك اذا فتحتي الانترنت او بالجهاز عموما ...

لانه الحاله هذي كان فيه منع من ظهور الصور .... يعني في الخيارات للعرض بالجهاز ...


واذا تبين حل سريع ومنتاز بالحيل ...

جيبي سيدي الويندوز لنفس الويندوز اللي بجهازك ...

وحطيه في المشغل حقه واعيدي التشغيل ...

يعيد التشغيل ثم راح تطلع لك رساله يبيك تضغطين على اي زر عشان يعمل السيدي .

اضغطي اي زر .. وبعدها يبدا يطلع لك شاشه زرقاء ويمشي على كل الملفات ,,,

دقايق بعدين يطلع لك 3 خيارات ...
الاول يسوي فورمات للجهاز
الثاني يسوي اصلاح للويندوز فقط ويعوض الويندوز عن الملفات اللي ناقصته بالنظام ... وهذا الحل السريع


جربي وعلميني اختي

مع محبتي واحترامي
بـنــ الريـــاض ــت
20-11-2005, 02:41
هلااا عزووووووووووووووووز...

لاا عاادي..لا تتاسف..>>مسوويه اخلاااق..!!!

المووهم..اللحين السي دي..اشتريه؟؟؟

والمشكله في الجهااز عمووومن...يعني مو بس اذا شبكت النت...

مشكوور اخووي عزيز...بقلقك..تحملني...
عــزيـــــز
22-11-2005, 02:13
هلا بك اختي وانا اسف اللي اتاخر بالرد

طالما شريتي السيدي .... عفارم عليك << كلمه مصريه مدري وش تبي طالعه الحين ... بس معناها برافوا عليك


المهم ...

ضعي السيدي في مشغل الاقراص .. ثم اعيدي تشغيل الجهاز

بعد ذلك ضعيه في الفرن لنصف ساعه حتى يتحمر جيدا .. ومن ثم قدميه مع قطع الطمطم والخيار ... وبالهناء والشفا...

|268| <<< شبك غلط ...


اعيدي تشغيل الجهاز ... وراح يعيد التشغيل .... بس هالمره راح تطلع رساله في الشاشه السوداء مكتوبه بالابيض ...

press any key to boot...

اضغطي مسافه مثلا ,,, ( اي زر مو لازم مسافه )


راح تتغير لون الشاشه الى الازرق ...

وتشوفينه تحت اخر الشاشه جالس يطلس اسماء ملفات كثيره ... طنشيه لحد ما يوقف ...

بعدها راح يطلع لك 3 خيارات

الاول عشان تسوين فورمات FORMAT للجهاز ...

الثاني تسوين اصلاح REPAIR للويندوز ...

والثالث تطلعين ...

اختاري الثاني ... واعتقد مكتوب لك اضغطي على حرف R لعمل الاصلاح ..

بعدها راح يسالك اذا تبيه استرجاع او سريع ... اختاري انتي السريع Fast

واعتقد مكتوب لك زر F

وبعدها بتشوفينه يطلع مؤشر ويتحرك لوحده ...

ويعيد التشغيل واذا قالك اضغطي زر مره ثانيه في الشاشه السوداء طنشيه هالمره .. عشان يفتح لك الويندوز ويكمل شغله ...


انا اذكر ان كذا الطريقه العامه ... بدون تفصيل ... لاني لازم ابحث لك عن صور لشرح العمليه 100%

شوفي وش يصير معك وعلميني .... وانا ببحث لك باذن الله

مع محبتي واحترامي
بـنــ الريـــاض ــت
23-11-2005, 01:27
مشكووووووووووور عزووووووووووووز...

تعبت معي....شكرر شكرن جزيلن...يالشايــــــب...!!!!!


شف انا للحين مابعد طبقت..بس اجربهااا ارد لك خبر...

وياااويلك..ياسووااااد ليلك..ان ما نفعت الحرركه..!!!!

>>طرااره وتتشرررررط...خخخخخخخخخ...


ثانكيوو خيوووووووووووووووو...
عــزيـــــز
23-11-2005, 01:53
|268| ما اعرفك ...


اتمنى تتوفقين وتضبط معك يارب

وعلميني وش يصير معك