الورد
15-09-2003, 02:07
طاااط طااااااط طاااطط طوووط طاااااااط
تم إلتقاط مكالمه هاتفيه عن طريق مركز علوم الفضاء , والتي تبثها ( وكـالـة يـقـولـون )
على مسار 26 ب تقاطع 87 ج , حوووول
نعم نعم , نسمعك حول لنا المكالمه في التو واللحظه
جـــــــــــــتــــــــك , اســتـــلــــم :
7777
777
77
7
# السلام عليكم ..
* وعليكم السلام!
# روحي ياشاطره نادي أمتس .. !
* طيب ، يمه أم "..." على التلفون ......
* هلا والله .....
# مسيكم بالخير وينتس غايصه بها الدنيا كود أنقثتس نقث ( أي أبحث عنكي )
* والله تعرفين الدنيا وأبونا ماسكن على إيديني و ... و .....
# خلي عنتس الخرط ، ماسمعتي وش يقولون ؟!
يقولون أن الدجاج به نصيب ، محطوطن به بلى وجلى من هالأمريكان يبون حتى يكتلون المسلمين..
* ياكافي , إيه مثل هاك النوبه , يقولون أن فرامل الجموس الجديده مصنوعه من قواطي البيسي
وقراطيس الحلاو ، يبون أسرع لها العالم يموتون ...... !!
# عاد والله مالنا إلا المكتوب ياخيتي ، والله المستعان على مايصفون ........ إيه ......
ماسمعتي عن بنت العنز أم علي ؟
* لا ، والله ماسمعتش!
# يقولون أن بنتها طلقت ومن الجزع وقلة الأيمان أصابها جني ريحاني ويقولون
بعد أنه ساكنن بخشمها !!
* إيه بلاها من البطر والترهي مير ربتس ما يطق بعصى ....... و........ و ........
# إيه الله يسترعليه و علينا وعلى المسلمين أجمعين ..
* آمين ، مـــير وش نبي بالأجوديه , أدخل على الله ماقلنا بها شىء !!
# أقول ما أقطعتس .............. إيه بأمان الله
نسيت أقولتس مادريتي وش يقولون عن الحولا ؟؟
* أي حولا !!!! عساتس منتب تعانين الحولا أخت البقه حماتس ؟؟
# إيه عساتس ما تعمين ..............
يقولون أنها مبخوته ، رجلها طايرن بها طيران تصدقين أنهم يقولون أنها مشيوفتن
بالسوق هي و رجلها وهو مــــاسـكـن إيـدها !!!
* تسذبين ماسكن إيده ( وش هالبخت !!! )..............
# والله العظيم أن اللي قايلن لي هالحتسي يوكل على علمه الفطيس و....... و .......
************************************************** *************************
والمكالمه
0
0
0
تطول
0
0
0
و تطول
0
0
0
وتطول
************************************************** *************************
كم مره قالن هالحريم ( يقولون )
قالت إيش!! قالت : " يوكل على علمه الفطيس "
احلقي هالدقن إن ما كنتي وايقتن بها ,,......... احم احم ..... ( عذرا)
لعنبوا دارتس وش تبين الرجل يسوي !!
واذا مسك أيدها وطلع معها للسوق !!
يعني تبينه يمسجرها , ويصبحها ضرب ويمسيها ضرب
عشان ترضين !!
************************************************** *************************
المهم خلونا من المكالمه وتعالو أقولكم وش صار لنا يوم السبت !!
كانو خواتي مستعدين بيروحون لعرس
وأختكم مصدعه ومالي خلق أروح , قلت لخواتي : " أنا مش عايزه أروح "
يوم طلعو البنات وفضى البيت رحت سويت شاهي منعنع وطلعت فيه لأخوي اللي قاعد
بالملحق ,,, طقيت عليه ...... طق طق .....
قال لي : " اقلطي "
قلت له : " آحلى شاي لآحلى قـــدع وآحلى سـلام للناس الــتـمام ......... "
<<<<<<<< تتمصلح !!
قال : " عسى ما شر !! "
قلت له : " ياحبيلك بأقـعـد عـنـدك ضايق صدري , أبي أحد أسولف عليه "
قال : " خلاص انثبري بس ترا والله لو تعلقين على اللاعبين زي ماتسوين كل مره
أبشوتس برا الملحق ,,، وعــــــــــد ؟ "
قلت : " أفـــــاااااا عـليك وعــــــــــــــــــــــــــــــــد !! "
<<<<<<< خـبـركـم وعـد حـــريـم ..
بدت المباراه بين ( منتخب ويلز ومنتخب إيطاليا )
وأخوي متحمس ويناظر ,, ( قلت يابنت شجعي ولا سوي حركه )
قعدت أسأله عن اللاعبين وأعمارهم وأصلهم وفصلهم
<<<<<<<<<< مسويه أني مهتمه بالمباراه
وقام أخوي يشرح لي عن الدوريات والمنتخبات ومتحمس الضعيف وأنا مطيره
عيوني بالتلفزيون أناظر الإيطاليين !!!!
وبعدين قلت له : " عندي سؤال ؟؟ "
أخوي تحمس وفرح يحسب عندي سالفه
قلت : " تحري الحارس حق ايطاليا معرس ؟؟!! "
قال : " أقول اطلعي برا ...... برا ......... "
قلت له : " بلاش ( بوفون ) أبتزوج ( نيستا ) " !
قال : " أقول برا ............ ولا سحبتس بقنازيعتس "
قلت : " خلاص خلاص بسكت "
وبعدين قلت : " أبعرس على زمبروتا ,, ولو أن وجهه تقل وجه حصان بس يله معليش !! "
قال : " مالت عليتس أنت وياه ......... برا ....... "
قلت : " أجل هات شاهيي "
قال : " أي شاهي "
قلت : " الشاهي اللي أنت قاعد تقعب منه (هماي أنا اللي مصلحته)...... حركات ابتدائي "
المهم أني انسحبت بكرامتي ..........
0
0
0
0
المهم مهوب ذا موضوعنا
<<<<<<<<<<<< أجل وشو , لتس ساعه مدوختهم
يوم رجعن خواتي من العرس قعدن يحتسن عن العرس واللبس
ومن حضر ومن سلم ومن ما سلم ( التحليل الرياضي )
<<<<<<<<< أبو طبيع ما يوز عن طبعه
وقالن لي : " أن ( أم لسانين ) سألتنا عنتس!! "
قالت : " ورا أختكم ماجت !!!!! "
المهم ,, يوم صار من بكرا المغرب دقت هالحرمه ( أم لسانين ) على أمي
وقالت لها : " ورا بنتس ما جت أمس مع خواتها يقولون أنها تبي تعرس !! "
<<<<<<<<<<<<<<< أما عاااااد هذي أعرس
أما أن هالحرمه تحوم التسبد كل شوي داقه على أمي وتنقل من هالأخبار
شي اشاعه
وشي نصب
وشي من قفاه
وإذا سألها أحد مينن هالحتسي ؟؟؟
على طول تتبرأ من الموضوع " والله يقولونه "
طيب من اللي يقوله ؟؟
اللي يقوله إنسان
أنا عارفه أنه إنسان مهوب حيوان ، بس منهو؟
والله اللي قايلتن لي حالفه علي ما أقول اسمها
وإلا قايله العصفور !!!!
لعنبو داركم خليتو العصفور على آخر زمن حــــروش ونــمـام
أي عصفور ياعمه قولي أنه أنا على بلاطه !
المهم أن هالحرمه اللي دقت على أمي تكرهن موت
ليش ؟ قلتو لي ليش ؟
لأني مهزئتها وماسحه فيها الأرض وإليكم القصه ,,
0
0
0
0
كانت أمي تجمع عندها الحريم ( الله يعطيها العافيه )
أمي اجتماعيه وما تحب الشر ولا يمكن تجرح نمله ، ولا تحب المشاكل
عكسي أنا اللي برأسي حب ما طحن وماعلى راسي رويس !!
المهم أن أمي تجمع الحريم (جاراتنا والحريم اللي دجه ونص كم ) يوم الأثنين
والأربعاء كانت تجمع ( الحريم الشياكه مدرسات وموظفات مثقفات وبعضهن شاعرات)
ولما يصير يوم الأثنين تجي هالحرمه ( أول مابدت تجينا ) كنت أحسبها محترمه
وأحب رأسها اللي ريحته زيت مازولا !!!!!!!!
<<<<<<<<<<<< وأطير أغسل فمي بفلاش
وبعدين تدخل على الحريم وتبدأ تأرنب وتشب الشر ( وكنت أنا أصب لهن الشاهي أحيانا )
فتقعد تمدحن ياحبي لبنيتي يالله أصلحها ( على بالها أني بستحي وأنزل رأسي )
ياشيخه قولي أني أبي من الفطائر اللي على الطاوله وخلصينا.... !!
المهم أنها كلما جت حاست القعده بكلمه ( يقولون ) تمسك الحريم وحده وحده
أنتي يافلانه : " يقولون أن رجلتس ما مات إلا من العقوبه ظالمن ناس كومه "
وأنتي ياعلانه : " يقولون أنتس طلعتي أمس من العرس مبكر مختبه هابلتس رجلتس !! "
وأنتي يأم فلان : " ترا الرجل اللي خاطبن بنتس يقولون أنه يشرب تتن !! ولاهوب يصلي !!! "
همر تنحاس الحرمه المسكينه والعرس ما بقى عليه إلا 15 يوم
وأذكر أنها سوت مشكله كبيره بس طلعت منها زي الشعره من العجين
( تقول : " أنا ما قلت كذا ، هم يقولونه !!! " )
والمشكله أنها حرمه مقرفه واذا خلطت السكر بالبياله تلحس الملعقه لحس
وكل ما جت عندنا أجدع بيالتها وملعقتها بالزباله
تقولي أمي : " قضيتي بيالتنا غربلتس الله!! "
وسنونها لعنبو دارها نصهن بني على تركواز، و واحد من سنونها طرفه أخضر
وفيه نقطه بيضاء ,, أنا مادري تشيش ولا تشرب حبر !!!
واللي يبط تسبدي إنه إذا طلعن الحريم من الغرفه هي تقعد وتقول ما عندكم عشاء
<<<<<<<<<< تونا معطينتس حزمه كراث وطشت فطائر !!
الكراث مترعص على الارض وتحت الطاولات صارت فرشتنا مشجره بأخضر!!
تقولي : " الكراث يخرش البطن ، لازم الواحد يهبطه بالعشاء !! "
وعندها قوايه عين ( أقوى من الشده , وأحد من المده , أنها أبو الحروف )
مره من المرات , أختي تاركه بوكها ( محفظتها ) بالصاله
يوم جت العمه ولطشته عيني عينك ,, وبعد كم يوم جت عندنا
وقلنا لأمي : " نبي فلوس نبي نشتري حلى !! "
قالت : " والله ماتدفعون ولا عود "
<<<<<<<<<وش هالكرم اللي نزل فجأة !!
وتطلع بوك أختي عيني عينك وتطلع منه الفلوس وتعطي أمي
وتقول اشترو على الطريق صرة كراث وبريالين خبز !!!!!!
بدينا نتناظر من هول الصدمه ماحد قال شي
لكن أنا غنيت لها هالابيات :
تـــــــــــــسـذا عـيـنـي عـــــــيـنـك تـنـطـــــل بـوكي مـن بيتي لـجـيـبـك
تـــــــــــــسـذا عـيـنـي عـــــــيـنـك
وعينكم ماتشوف يوم تدخل علينا يوم الأربعاء والمجلس فيه شاعره تلقي على أمي والحريم
والجو في قمة الشاعريه والرومنسيه
من شده الصدمه قلت لها : " وش جابتس ؟؟ "
قالت : " ياخزياه عيب تحاتسنن تسذا !!! "
وتدخل عليهم وتنادين بأعلى صوتها : " جيبي من كراث يوم الأثنين ، ووه طعمه بالرأس "
على مرأى ومسمع من الحضور المحترم المثقف !!!
<<<<<<< وا فــشـيـلـتـاه
وتستمر بالنصب وكلمه يقولون ، خربت بيوت العالم حسبي الله عليها
حتى أبوي ماسلم عرضه منها ويوم وصلت لأبوي ،، مسكتها وشرشحتها بس ما فاد فيها
رحت ناديت بنت عمي ( تحضر ماجستير دراسات اسلاميه )
وقلت : " عدا عنتس هاوشيها خليها ماتجي عندنا فشلتنا!! "
جت بنت عمي وقالت لها : " اعلمي يارعاك الله أنه يجب التحقيق والتدقيق قبل نقل المسائل !! "
قلت : " وين ياعمه وش مسائله؟؟ هذي ماتفهم ...... "
وأطير أدق على خالتي ( ياحبي لها المعلمه قشطة )
وأشكي لها ( سوء الحال , وغلبة الرجال)
قالت : " ولا يهمتس وأنا خالتس ..."
وتجي وتشرشحها..... ويقالي عاقله أقول لخالتي بس عاد ياخاله هدي أعصابتس
<<<<<<<<<< ياليتس بعد كافخته على رأسه
هي وشنطتها الكوحليه , اللي كأنها شنطة سفر , مانقص إلا كلمه " رحلة سعيده "
أجل توصل فيها المواصيل تتكلم عن أبوي !!!
ويوم طلعت قلت : " كفو والله ياسيد الرقاله "
قالت خالتي : " أفا عليتس ( مايقيبها إلا ستاتها ) "
وعشان كذا هي تكرهني , ومتسلطه علي بالقيل والقال
كل يوم تزوجن وتطلقن
وهذي القصه وياشين كلمه يقولون
************************************************** *************************
لكن ( وكالة يقولون ) لها تسلسل تاريخي منذ الأزل , يعني خد مسلا ,
لما كنت بالابتدائي شاب شعري من القصص اللي أصلها ( وكالة يقولون )
وأنقل بعض ماسمعت وما أتذكره على مسامعكم :
** كان عندنا بحوش المدرسه حفره طايحه فيها شرابه ( جورب )
وكانو البنات يخافون يقربون منها !!
قلت لهم : لـيـه ؟؟
قالو : شوفي ترا لو قربتي من الحفرة يشوفتس الجني !!
قلت : أي جني ؟؟
قالوا : الجني اللي ساكن وسط الشرابه !!
<<<<<<<<<< ( الله لا يضيق علينا مالقى إلا يسكن هنا , احمدو ربكم بس )
-----------------------------------------------------------------------
** وكان عندنا فراشة ( أي مراسله ) , وكانت طيبه وحبوبه
لكن تدور حولها العديد من الاساطير المروعه ....
يقولون البنات : أنها ماتنام بالليل
قلت : أجل وش تسوي ؟؟
قالو : تراها تدور بالليل على المدرسه وترا مالها رجلين !!
<<<<<( عاد وشوله تدور , الله لايكسف بنا )
وبعضهن يقول : ترا الفراشه ( تقرض الغوايش !!)
( أي تسرق مالز وطاب من الذهب )
وبعضهن يقول : أن رحنا للحمامات " عزكم الله " , ولقيناها طابخه بنت وقاعده تأكلها
وعيونها بيضاء والحمامات كلها دم !!
قلت : يمه !!!
-----------------------------------------------------------------------------------------
** ولأن بعض بنات الابتدائي مايغسلون الحمامات " عزكم الله " , بعد الاستعمال
فتطلع الريحه اللهم ياكافي ريحة بيض مسلوق على كراث مغلس !!
قالت لهم المديره : يابنات نظفوا دورات المياه بعد ماتستعملونها , وبس !!
قاموا البنات يقولون : أن فيه كاميرات مراقبه بالحمام
<<<<<<<<<< زي خالتي قماشه
وصرت أتعذب ولا أروح للحمام وإذا رحت أتبهذل وأستحي وأتكتف
وأزين شرائط شعري وأمشي بأدب ...
لا والمصيبه أن وحده نصابه تقول لي : " ترا بالحمام باب سحري
يدخلون منه رجال ويسرقون البنات , ترا فيه بنت أختفت !!! "
----------------------------------------------------------------------------------------
** وكان فيه قطعه قماش حمراء مربوطه على جدران سطح المدرسه
ومع الهواء تطير !!
والبنات يزاعقون هذي الساحره أم رجل حمار !!
وذاك اليوم عينكم ماتشوف , طلع خشمي كبر الرمان من الصياح والشهاق
************************************************** **************************
وهذي سوالف بزران وهضمناها , لكن الحتسي بالحتسي !!
هالناس اللي متعلمه وفاهمه كيف يصدقون أي واحد يقولوهم
( والله سمعتهم , يقولون , خابر واحد يقول , العصفور قال لي , وإلا أبو ذانتين قال لي )
أحنا ماعدنا زي أهلنا تعليمهم بسيط والاشاعه تصدق بمجتمعهم
أحنا متعلمين وفاهمين !
ليه مانواجه هاللي يقول : " يقولون "
أسأله من وين لك هالخبر قبل لاتصدقه وتروح أعراض ناس وسمعتهم من القيل والقال
واجههم وحاجهم حتى تتأكد وتعرف المصدر , وراح تلاحظ بالاخير
أنه كذب وافتراء من واحد فاضي , وإلا حاقد , وإلا مريض نفسيا
ويفسر تصرفات الناس على كيفه , وإلا ينصب وتوهق !! ...
وصدقوني ياجماعه الخير , أنه وكالة يقولون هدمت ملايين البيوت
وشككت بعرض مليون ولد و بنت وأفشلت زواج الكثير
وفرقت أخوان عن بعضهم , وكبرت الصغير وصغرت الكبير
ولازالت مستمره في مجتمعنا نستقبلها يوميا ونسمع منها
أكثر من القناة الاولى
هذا كل اللي عندي , واذا عندكم شىء لاتخبونه خلو العالم تسمع وتتعض
والله يستر على الجميع ونسمع عنكم كل خير
وســــ ـــلا متكم
لحظه لحظه
0
0
0
0
0
0
0
0
0
يقولون أنهم طولو الاجازة , وألغو الدراسه
ولا تسألونن من اللي قايله لي
دمتم سالمين ,,
=====================
منقووووووووووووووووووووووووووول
تقبلو تحياتي ...
الـــــــــــورد
تم إلتقاط مكالمه هاتفيه عن طريق مركز علوم الفضاء , والتي تبثها ( وكـالـة يـقـولـون )
على مسار 26 ب تقاطع 87 ج , حوووول
نعم نعم , نسمعك حول لنا المكالمه في التو واللحظه
جـــــــــــــتــــــــك , اســتـــلــــم :
7777
777
77
7
# السلام عليكم ..
* وعليكم السلام!
# روحي ياشاطره نادي أمتس .. !
* طيب ، يمه أم "..." على التلفون ......
* هلا والله .....
# مسيكم بالخير وينتس غايصه بها الدنيا كود أنقثتس نقث ( أي أبحث عنكي )
* والله تعرفين الدنيا وأبونا ماسكن على إيديني و ... و .....
# خلي عنتس الخرط ، ماسمعتي وش يقولون ؟!
يقولون أن الدجاج به نصيب ، محطوطن به بلى وجلى من هالأمريكان يبون حتى يكتلون المسلمين..
* ياكافي , إيه مثل هاك النوبه , يقولون أن فرامل الجموس الجديده مصنوعه من قواطي البيسي
وقراطيس الحلاو ، يبون أسرع لها العالم يموتون ...... !!
# عاد والله مالنا إلا المكتوب ياخيتي ، والله المستعان على مايصفون ........ إيه ......
ماسمعتي عن بنت العنز أم علي ؟
* لا ، والله ماسمعتش!
# يقولون أن بنتها طلقت ومن الجزع وقلة الأيمان أصابها جني ريحاني ويقولون
بعد أنه ساكنن بخشمها !!
* إيه بلاها من البطر والترهي مير ربتس ما يطق بعصى ....... و........ و ........
# إيه الله يسترعليه و علينا وعلى المسلمين أجمعين ..
* آمين ، مـــير وش نبي بالأجوديه , أدخل على الله ماقلنا بها شىء !!
# أقول ما أقطعتس .............. إيه بأمان الله
نسيت أقولتس مادريتي وش يقولون عن الحولا ؟؟
* أي حولا !!!! عساتس منتب تعانين الحولا أخت البقه حماتس ؟؟
# إيه عساتس ما تعمين ..............
يقولون أنها مبخوته ، رجلها طايرن بها طيران تصدقين أنهم يقولون أنها مشيوفتن
بالسوق هي و رجلها وهو مــــاسـكـن إيـدها !!!
* تسذبين ماسكن إيده ( وش هالبخت !!! )..............
# والله العظيم أن اللي قايلن لي هالحتسي يوكل على علمه الفطيس و....... و .......
************************************************** *************************
والمكالمه
0
0
0
تطول
0
0
0
و تطول
0
0
0
وتطول
************************************************** *************************
كم مره قالن هالحريم ( يقولون )
قالت إيش!! قالت : " يوكل على علمه الفطيس "
احلقي هالدقن إن ما كنتي وايقتن بها ,,......... احم احم ..... ( عذرا)
لعنبوا دارتس وش تبين الرجل يسوي !!
واذا مسك أيدها وطلع معها للسوق !!
يعني تبينه يمسجرها , ويصبحها ضرب ويمسيها ضرب
عشان ترضين !!
************************************************** *************************
المهم خلونا من المكالمه وتعالو أقولكم وش صار لنا يوم السبت !!
كانو خواتي مستعدين بيروحون لعرس
وأختكم مصدعه ومالي خلق أروح , قلت لخواتي : " أنا مش عايزه أروح "
يوم طلعو البنات وفضى البيت رحت سويت شاهي منعنع وطلعت فيه لأخوي اللي قاعد
بالملحق ,,, طقيت عليه ...... طق طق .....
قال لي : " اقلطي "
قلت له : " آحلى شاي لآحلى قـــدع وآحلى سـلام للناس الــتـمام ......... "
<<<<<<<< تتمصلح !!
قال : " عسى ما شر !! "
قلت له : " ياحبيلك بأقـعـد عـنـدك ضايق صدري , أبي أحد أسولف عليه "
قال : " خلاص انثبري بس ترا والله لو تعلقين على اللاعبين زي ماتسوين كل مره
أبشوتس برا الملحق ,,، وعــــــــــد ؟ "
قلت : " أفـــــاااااا عـليك وعــــــــــــــــــــــــــــــــد !! "
<<<<<<< خـبـركـم وعـد حـــريـم ..
بدت المباراه بين ( منتخب ويلز ومنتخب إيطاليا )
وأخوي متحمس ويناظر ,, ( قلت يابنت شجعي ولا سوي حركه )
قعدت أسأله عن اللاعبين وأعمارهم وأصلهم وفصلهم
<<<<<<<<<< مسويه أني مهتمه بالمباراه
وقام أخوي يشرح لي عن الدوريات والمنتخبات ومتحمس الضعيف وأنا مطيره
عيوني بالتلفزيون أناظر الإيطاليين !!!!
وبعدين قلت له : " عندي سؤال ؟؟ "
أخوي تحمس وفرح يحسب عندي سالفه
قلت : " تحري الحارس حق ايطاليا معرس ؟؟!! "
قال : " أقول اطلعي برا ...... برا ......... "
قلت له : " بلاش ( بوفون ) أبتزوج ( نيستا ) " !
قال : " أقول برا ............ ولا سحبتس بقنازيعتس "
قلت : " خلاص خلاص بسكت "
وبعدين قلت : " أبعرس على زمبروتا ,, ولو أن وجهه تقل وجه حصان بس يله معليش !! "
قال : " مالت عليتس أنت وياه ......... برا ....... "
قلت : " أجل هات شاهيي "
قال : " أي شاهي "
قلت : " الشاهي اللي أنت قاعد تقعب منه (هماي أنا اللي مصلحته)...... حركات ابتدائي "
المهم أني انسحبت بكرامتي ..........
0
0
0
0
المهم مهوب ذا موضوعنا
<<<<<<<<<<<< أجل وشو , لتس ساعه مدوختهم
يوم رجعن خواتي من العرس قعدن يحتسن عن العرس واللبس
ومن حضر ومن سلم ومن ما سلم ( التحليل الرياضي )
<<<<<<<<< أبو طبيع ما يوز عن طبعه
وقالن لي : " أن ( أم لسانين ) سألتنا عنتس!! "
قالت : " ورا أختكم ماجت !!!!! "
المهم ,, يوم صار من بكرا المغرب دقت هالحرمه ( أم لسانين ) على أمي
وقالت لها : " ورا بنتس ما جت أمس مع خواتها يقولون أنها تبي تعرس !! "
<<<<<<<<<<<<<<< أما عاااااد هذي أعرس
أما أن هالحرمه تحوم التسبد كل شوي داقه على أمي وتنقل من هالأخبار
شي اشاعه
وشي نصب
وشي من قفاه
وإذا سألها أحد مينن هالحتسي ؟؟؟
على طول تتبرأ من الموضوع " والله يقولونه "
طيب من اللي يقوله ؟؟
اللي يقوله إنسان
أنا عارفه أنه إنسان مهوب حيوان ، بس منهو؟
والله اللي قايلتن لي حالفه علي ما أقول اسمها
وإلا قايله العصفور !!!!
لعنبو داركم خليتو العصفور على آخر زمن حــــروش ونــمـام
أي عصفور ياعمه قولي أنه أنا على بلاطه !
المهم أن هالحرمه اللي دقت على أمي تكرهن موت
ليش ؟ قلتو لي ليش ؟
لأني مهزئتها وماسحه فيها الأرض وإليكم القصه ,,
0
0
0
0
كانت أمي تجمع عندها الحريم ( الله يعطيها العافيه )
أمي اجتماعيه وما تحب الشر ولا يمكن تجرح نمله ، ولا تحب المشاكل
عكسي أنا اللي برأسي حب ما طحن وماعلى راسي رويس !!
المهم أن أمي تجمع الحريم (جاراتنا والحريم اللي دجه ونص كم ) يوم الأثنين
والأربعاء كانت تجمع ( الحريم الشياكه مدرسات وموظفات مثقفات وبعضهن شاعرات)
ولما يصير يوم الأثنين تجي هالحرمه ( أول مابدت تجينا ) كنت أحسبها محترمه
وأحب رأسها اللي ريحته زيت مازولا !!!!!!!!
<<<<<<<<<<<< وأطير أغسل فمي بفلاش
وبعدين تدخل على الحريم وتبدأ تأرنب وتشب الشر ( وكنت أنا أصب لهن الشاهي أحيانا )
فتقعد تمدحن ياحبي لبنيتي يالله أصلحها ( على بالها أني بستحي وأنزل رأسي )
ياشيخه قولي أني أبي من الفطائر اللي على الطاوله وخلصينا.... !!
المهم أنها كلما جت حاست القعده بكلمه ( يقولون ) تمسك الحريم وحده وحده
أنتي يافلانه : " يقولون أن رجلتس ما مات إلا من العقوبه ظالمن ناس كومه "
وأنتي ياعلانه : " يقولون أنتس طلعتي أمس من العرس مبكر مختبه هابلتس رجلتس !! "
وأنتي يأم فلان : " ترا الرجل اللي خاطبن بنتس يقولون أنه يشرب تتن !! ولاهوب يصلي !!! "
همر تنحاس الحرمه المسكينه والعرس ما بقى عليه إلا 15 يوم
وأذكر أنها سوت مشكله كبيره بس طلعت منها زي الشعره من العجين
( تقول : " أنا ما قلت كذا ، هم يقولونه !!! " )
والمشكله أنها حرمه مقرفه واذا خلطت السكر بالبياله تلحس الملعقه لحس
وكل ما جت عندنا أجدع بيالتها وملعقتها بالزباله
تقولي أمي : " قضيتي بيالتنا غربلتس الله!! "
وسنونها لعنبو دارها نصهن بني على تركواز، و واحد من سنونها طرفه أخضر
وفيه نقطه بيضاء ,, أنا مادري تشيش ولا تشرب حبر !!!
واللي يبط تسبدي إنه إذا طلعن الحريم من الغرفه هي تقعد وتقول ما عندكم عشاء
<<<<<<<<<< تونا معطينتس حزمه كراث وطشت فطائر !!
الكراث مترعص على الارض وتحت الطاولات صارت فرشتنا مشجره بأخضر!!
تقولي : " الكراث يخرش البطن ، لازم الواحد يهبطه بالعشاء !! "
وعندها قوايه عين ( أقوى من الشده , وأحد من المده , أنها أبو الحروف )
مره من المرات , أختي تاركه بوكها ( محفظتها ) بالصاله
يوم جت العمه ولطشته عيني عينك ,, وبعد كم يوم جت عندنا
وقلنا لأمي : " نبي فلوس نبي نشتري حلى !! "
قالت : " والله ماتدفعون ولا عود "
<<<<<<<<<وش هالكرم اللي نزل فجأة !!
وتطلع بوك أختي عيني عينك وتطلع منه الفلوس وتعطي أمي
وتقول اشترو على الطريق صرة كراث وبريالين خبز !!!!!!
بدينا نتناظر من هول الصدمه ماحد قال شي
لكن أنا غنيت لها هالابيات :
تـــــــــــــسـذا عـيـنـي عـــــــيـنـك تـنـطـــــل بـوكي مـن بيتي لـجـيـبـك
تـــــــــــــسـذا عـيـنـي عـــــــيـنـك
وعينكم ماتشوف يوم تدخل علينا يوم الأربعاء والمجلس فيه شاعره تلقي على أمي والحريم
والجو في قمة الشاعريه والرومنسيه
من شده الصدمه قلت لها : " وش جابتس ؟؟ "
قالت : " ياخزياه عيب تحاتسنن تسذا !!! "
وتدخل عليهم وتنادين بأعلى صوتها : " جيبي من كراث يوم الأثنين ، ووه طعمه بالرأس "
على مرأى ومسمع من الحضور المحترم المثقف !!!
<<<<<<< وا فــشـيـلـتـاه
وتستمر بالنصب وكلمه يقولون ، خربت بيوت العالم حسبي الله عليها
حتى أبوي ماسلم عرضه منها ويوم وصلت لأبوي ،، مسكتها وشرشحتها بس ما فاد فيها
رحت ناديت بنت عمي ( تحضر ماجستير دراسات اسلاميه )
وقلت : " عدا عنتس هاوشيها خليها ماتجي عندنا فشلتنا!! "
جت بنت عمي وقالت لها : " اعلمي يارعاك الله أنه يجب التحقيق والتدقيق قبل نقل المسائل !! "
قلت : " وين ياعمه وش مسائله؟؟ هذي ماتفهم ...... "
وأطير أدق على خالتي ( ياحبي لها المعلمه قشطة )
وأشكي لها ( سوء الحال , وغلبة الرجال)
قالت : " ولا يهمتس وأنا خالتس ..."
وتجي وتشرشحها..... ويقالي عاقله أقول لخالتي بس عاد ياخاله هدي أعصابتس
<<<<<<<<<< ياليتس بعد كافخته على رأسه
هي وشنطتها الكوحليه , اللي كأنها شنطة سفر , مانقص إلا كلمه " رحلة سعيده "
أجل توصل فيها المواصيل تتكلم عن أبوي !!!
ويوم طلعت قلت : " كفو والله ياسيد الرقاله "
قالت خالتي : " أفا عليتس ( مايقيبها إلا ستاتها ) "
وعشان كذا هي تكرهني , ومتسلطه علي بالقيل والقال
كل يوم تزوجن وتطلقن
وهذي القصه وياشين كلمه يقولون
************************************************** *************************
لكن ( وكالة يقولون ) لها تسلسل تاريخي منذ الأزل , يعني خد مسلا ,
لما كنت بالابتدائي شاب شعري من القصص اللي أصلها ( وكالة يقولون )
وأنقل بعض ماسمعت وما أتذكره على مسامعكم :
** كان عندنا بحوش المدرسه حفره طايحه فيها شرابه ( جورب )
وكانو البنات يخافون يقربون منها !!
قلت لهم : لـيـه ؟؟
قالو : شوفي ترا لو قربتي من الحفرة يشوفتس الجني !!
قلت : أي جني ؟؟
قالوا : الجني اللي ساكن وسط الشرابه !!
<<<<<<<<<< ( الله لا يضيق علينا مالقى إلا يسكن هنا , احمدو ربكم بس )
-----------------------------------------------------------------------
** وكان عندنا فراشة ( أي مراسله ) , وكانت طيبه وحبوبه
لكن تدور حولها العديد من الاساطير المروعه ....
يقولون البنات : أنها ماتنام بالليل
قلت : أجل وش تسوي ؟؟
قالو : تراها تدور بالليل على المدرسه وترا مالها رجلين !!
<<<<<( عاد وشوله تدور , الله لايكسف بنا )
وبعضهن يقول : ترا الفراشه ( تقرض الغوايش !!)
( أي تسرق مالز وطاب من الذهب )
وبعضهن يقول : أن رحنا للحمامات " عزكم الله " , ولقيناها طابخه بنت وقاعده تأكلها
وعيونها بيضاء والحمامات كلها دم !!
قلت : يمه !!!
-----------------------------------------------------------------------------------------
** ولأن بعض بنات الابتدائي مايغسلون الحمامات " عزكم الله " , بعد الاستعمال
فتطلع الريحه اللهم ياكافي ريحة بيض مسلوق على كراث مغلس !!
قالت لهم المديره : يابنات نظفوا دورات المياه بعد ماتستعملونها , وبس !!
قاموا البنات يقولون : أن فيه كاميرات مراقبه بالحمام
<<<<<<<<<< زي خالتي قماشه
وصرت أتعذب ولا أروح للحمام وإذا رحت أتبهذل وأستحي وأتكتف
وأزين شرائط شعري وأمشي بأدب ...
لا والمصيبه أن وحده نصابه تقول لي : " ترا بالحمام باب سحري
يدخلون منه رجال ويسرقون البنات , ترا فيه بنت أختفت !!! "
----------------------------------------------------------------------------------------
** وكان فيه قطعه قماش حمراء مربوطه على جدران سطح المدرسه
ومع الهواء تطير !!
والبنات يزاعقون هذي الساحره أم رجل حمار !!
وذاك اليوم عينكم ماتشوف , طلع خشمي كبر الرمان من الصياح والشهاق
************************************************** **************************
وهذي سوالف بزران وهضمناها , لكن الحتسي بالحتسي !!
هالناس اللي متعلمه وفاهمه كيف يصدقون أي واحد يقولوهم
( والله سمعتهم , يقولون , خابر واحد يقول , العصفور قال لي , وإلا أبو ذانتين قال لي )
أحنا ماعدنا زي أهلنا تعليمهم بسيط والاشاعه تصدق بمجتمعهم
أحنا متعلمين وفاهمين !
ليه مانواجه هاللي يقول : " يقولون "
أسأله من وين لك هالخبر قبل لاتصدقه وتروح أعراض ناس وسمعتهم من القيل والقال
واجههم وحاجهم حتى تتأكد وتعرف المصدر , وراح تلاحظ بالاخير
أنه كذب وافتراء من واحد فاضي , وإلا حاقد , وإلا مريض نفسيا
ويفسر تصرفات الناس على كيفه , وإلا ينصب وتوهق !! ...
وصدقوني ياجماعه الخير , أنه وكالة يقولون هدمت ملايين البيوت
وشككت بعرض مليون ولد و بنت وأفشلت زواج الكثير
وفرقت أخوان عن بعضهم , وكبرت الصغير وصغرت الكبير
ولازالت مستمره في مجتمعنا نستقبلها يوميا ونسمع منها
أكثر من القناة الاولى
هذا كل اللي عندي , واذا عندكم شىء لاتخبونه خلو العالم تسمع وتتعض
والله يستر على الجميع ونسمع عنكم كل خير
وســــ ـــلا متكم
لحظه لحظه
0
0
0
0
0
0
0
0
0
يقولون أنهم طولو الاجازة , وألغو الدراسه
ولا تسألونن من اللي قايله لي
دمتم سالمين ,,
=====================
منقووووووووووووووووووووووووووول
تقبلو تحياتي ...
الـــــــــــورد